မတ် ၈-၂၀၂၆
MT(VOM)
နီပေါနိုင်ငံရဲ့ ဝါရင့်နိုင်ငံရေးသမားကြီးနဲ့ ဝန်ကြီးချုပ်ဟောင်းဖြစ်သူ Sharma KP Oli ကို နာမည်ကြီး ရက်ပါအဆိုတော် Balendra Shah (Balen) က သူ့ရဲ့နယ်မြေမှာတင် အပြတ်အသတ်အနိုင်ယူပြီး လူထုခေါင်းဆောင်သစ် ဖြစ်လာဖို့ နီးစပ်နေပါပြီ။
အသက် (၃၅) နှစ်အရွယ် Balen က ထောက်ခံမဲ ၆၈,၃၄၈ မဲ ရရှိခဲ့ပြီး ဝန်ကြီးချုပ်ဟောင်း Oli ကတော့ ၁၈,၇၃၄ မဲပဲ ရခဲ့ပါတယ်။
Balen ရဲ့ RSP (Rastriya Swatantra Party) ပါတီဟာ အခု အထွေထွေရွေးကောက်ပွဲမှာ အနိုင်ရဖို့ အခြေအနေ အကောင်းဆုံးဖြစ်နေပါတယ်။
ဒီရွေးကောက်ပွဲဟာ ပြီးခဲ့တဲ့ စက်တင်ဘာလက လူငယ်တွေဦးဆောင်တဲ့ ဆန္ဒပြပွဲတွေကြောင့် အစိုးရပြုတ်ကျပြီးနောက် ပထမဆုံးကျင်းပတဲ့ ရွေးကောက်ပွဲလည်း ဖြစ်ပါတယ်။
ပြီးခဲ့တဲ့ ၂၀၂၅ စက်တင်ဘာမှာ ဝန်ကြီးချုပ် Oli က ဆိုရှယ်မီဒီယာတွေကို ပိတ်ပင်လိုက်တာကြောင့် Gen Z လူငယ်တွေရဲ့ အုံကြွမှု ဖြစ်ပွားခဲ့ပါတယ်။ နိုင်ငံရေးသမားတွေရဲ့ သားသမီးတွေ (Nepo Babies) အခွင့်ထူးခံနေတာနဲ့ လူတန်းစားကွာဟမှုတွေကို လူငယ်တွေက အပြင်းအထန် ဝေဖန်ခဲ့ကြတာပါ။ အဲဒီတုန်းက နှိမ်နင်းမှုတွေကြောင့် လူပေါင်း ၇၇ ဦး သေဆုံးခဲ့ရပါတယ်။
Balen ဟာ နီပေါဟစ်ဟော့လောကမှာ နှစ်တော်တော်ကြာ နာမည်ကြီးခဲ့တဲ့သူပါ။ သူ့ရဲ့ “Balidan” (စတေးခြင်း) ဆိုတဲ့ သီချင်းဟာ YouTube မှာ ကြည့်ရှုသူ သန်းနဲ့ချီရှိပါတယ်။ သူဟာ ဆန္ဒပြပွဲတုန်းက လူငယ်တွေဘက်က ရပ်တည်ပေးခဲ့သလို Oli ကိုလည်း “နိုင်ငံကို သစ္စာဖောက်တဲ့ အကြမ်းဖက်သမား” လို့ ပြင်းပြင်းထန်ထန် ဝေဖန်ခဲ့သူပါ။
Balen ရဲ့ RSP ပါတီက သူတို့အာဏာရရင် –
အလုပ်အကိုင် အခွင့်အလမ်း ၁.၂ သန်း ဖန်တီးပေးမယ်။နိုင်ငံခြားကို ထွက်ခွာအလုပ်လုပ်နေရတဲ့ လူငယ်ဦးရေကို လျှော့ချမယ်။(၅) နှစ်အတွင်း နိုင်ငံရဲ့ တစ်ဦးချင်းဝင်ငွေကို $၁,၄၄၇ ကနေ $၃,၀၀၀ အထိ တိုးအောင်လုပ်မယ်။ ကျန်းမာရေးအာမခံလိုမျိုး လူမှုဖူလုံရေးတွေကို ဦးစားပေးမယ်လို့ ကတိပေးထားပါတယ်။
Ref:BBC
